ޤައުމީ ވޮލީ ތަރިންނާއިއެކު “ގދ. އަތޮޅު ކައުންސިލް ވޮލީބޯލް ޓޯނަމެންޓް- ފޭސް ފިޔޯރީ 2024” ފަށާފި
“ގދ. އަތޮޅު ކައުންސިލް ވޮލީބޯލް ޓޯނަމެންޓް- ފޭސް ފިޔޯރީ 2024” ފިށިގެން ފޯރީގައި ކުރިޔަށް އެބަދެއެވެ.
ގދ. ފިޔޯރީ އެސޯސިއޭޝަން ފޯ ކޮމިޔުނިޓީ އެންޕަވަރމަންޓް ( ފޭސް ) ޖަމިއްޔާއިން އިންތިޒާމް ކޮށްގެން ކުރިއަށްދާ މި މުބާރާތުގައި ރާއްޖޭގައި ފާހަގަ ކޮށްލެވޭ މައްޝޫރު ގިނަ ތަރިން ބައިވެރިވިއެވެ.
މި މުބާރާތުގެ މެއިން ސްޕޮންސަރ އަކީ ގދ. އަތޮޅުކައުންސިލް އަދި އެސޯސިއޭޓް ޕާޓްނަރުންނަކީ ފިޔޯރީ ކައުންސިލް އަދި ގދ. ފިޔޯރީ އެސޯސިއޭޝަން ފޯ ކޮމިޔުނިޓީ އެންޕަވަރމަންޓް ( ފޭސް ) ޖަމިއްޔާއެވެ.
ކޮންމެ އަހަރަކުވެސް ގދ. އަތޮޅުގައި ބޭއްވޭ އެންމެ ފޯރިގަދަ ވޮލީ މުބާރާތް މި އަހަރު ކުރިއަށް ދާނީ 05 ޑިސެމްބަރ އިން 13 ޑިސެމްބަރ އަށް ފިޔޯރީ ރަސްމީ ވޮލީ ކޯޓުގައެވެ. މުބާރާތުގެ މެޗުތައް ވަގުތުން، ފޭސް ޖަމިއްޔާގެ ފޭސްބުކް ޕޭޖް މެދުވެރިކޮށް ބެލޭނެއެވެ.
މިއަހަރުގެ ގދ. އަތޮޅު ކައުންސިލް ވޮލީ މުބާރާތުގައި އަންހެން 03 ޓީމް، ފިރިހެން 03 ޓީމާ އެކު ޖުމްލަ 06 ޓީމްއަކުން ބައިވެރިވެފައިވެއެވެ. މުބާރާތުގެ ޗެމްޕިއަން ޓީމަށް 50،000 ރުފިޔާގެ ފައިސާގެ އިނާމް ކަޑައެޅިފައިވާއިރު، ދެވަނައަށް 25،000 ރުފިޔާގެ ފައިސާގެ އިނާމް ވަނީ ކަޑައެޅިފައެވެ.