ހުވަދުއަތޮޅު ދެކުނުބުރީ އަތޮޅު ކައުންސިލްގެ ޤުރްއާން މުބާރާތް 2024ގެ ކިޔެވުން ފަށައިފި
300އަށް ވުރެ ގިނަ ދަރިވަރުންނާއެކު ”ހުވަދުއަތޮޅު ދެކުނުބުރީ އަތޮޅު ކައުންސިލްގެ ޤުރްއާން މުބާރާތް “2024 މިއަދު ތިނަދޫ ސިޓީގައި ފަށައިފިއެވެ.
މުޅި ހުވަދު އަތޮޅަށް ހުޅުވާލައިގެން ކުރިއަށްދާ މި މުބާރާތުގައި އަތޮޅުގެ ސްކޫލް މަދަރުސާ، ޤުރްއާން ކްލާސް އަދި ޖަމްޢިއްޔާޖަމާއަތްތަކުން ވާދަކުރާ މި ވާދަވެރި މުބާރާތުގައި ޖުމްލަ 300އަށް ވުރެ ގިނަ ދަރިވަރުން ވަނީ ބައިވެރިވެފައިވެއެވެ. މުބާރާތުގައި ފައުންޑޭޝަން ސްޓޭޖާއި، ކީސްޓޭޖު 01 އިން ކީސްޓޭޖު 05ގެ އިތުރުން ހާއްސަ އެހީއަށް ބޭނުންވާ ފަރާތް އަދި ޚާފިޒުންގެ ބައިން ވާދަކުރެއެވެ.
މި މުބާރާތް ކުރިއައް ދާނީ ނޮވެމްބަރ 06 އިން 09 ނޮވެމްބަރ 2024 އަށް އެމް.އެން.ޔޫ ތިނަދޫ ކެމްޕަހުގެ ހޯލްގައެވެ.
މުބާރާތުގެ ނިންމުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ 09 ނޮވެމްބަރ 2024 ވާ ހޮނިހިރު ދުވަހުގެ ރޭ ތިނަދޫ ސްކޫލްގައެވެ.
އަތޮޅު ކައުންސިލުން ކޮންމެ އަހަރަކު އެއްފަހަރު ކުރިއަށްގެންދާ މި ޤުރްއާން މުބާރާތަކީ ގދ.އަތޮޅު ރައްޔިތުންގެ ހިތްތަކުގައި ކީރިތި ޤުރްއާނަށް ލޯބި ޖައްސާ، ޤުރްއާން ތަޖުވީދުމަގުން ކިޔެވުމަށް ހިތްވަރު ދިނުމުގެ މަޤުޞަދުގައި ކޮންމެ އަހަރަކު ސިލްސިލާކޮށް ބާއްވާ މުބާރާތެކެވެ.
މި މުބާރާތުގެ ހުރިހާ ކެޓެގަރީއަކަށް އިނާމް ވަނީ ކަނޑައެޅިފައެވެ.